Dinamika ras kemajun teknologi digital ipake selaku alat bas memperlengkapi pelayanen i tengah GBKP. Pemanfaatan teknologi digital pe enggo imanfaatken bas system penyimpanan data asset subuk bas perpulungen, runggun bagepe klasis. Bas sie  perlu kal kesiapan jemaat untuk mendaftarkan aset si lit i perpulungen, Runggun ras Klasis alu menyerahken dokumen si lit ku Moderamen GBKP cq. Biro Hukum GBKP. Guna sie bas Kerjasama unit Biro Humas dan IT Moderamen GBKP ras Biro Hukum Moderamen GBKP enggo ilakoken perekaman data asset (surat tanah ras surat berharga). System enda igelari System repository Moderamen GBKP, janah Perpulungen, Runggun, Klasis banci ngenen kai-kai saja surat sienggo ipeseh ku Moderamen GBKP cq. Biro Hukum Moderamen. Alu ngetik salah sada kata kunci : No dokumen, kategori, nomor SK, kepemilikan, nama yang tertera dalam dokumen, tanggal dokument. Deskripsi dokumen berupa lokasi asset:  kelurahan, kecamatan, kabupaten, luas aset, dikeluarkan oleh, keterangan (dokumen asli atau foto kopi), maka dokumen siidarami enggo banci muncul. Untuk keperlun fisik dokumen enda harus reh ke kantor Moderamen GBKP dalam rangka ngaturken keamanan data.

Sue amanat SKMS Oktober 2022 maka target ndungi SIAJ 100% eme bulan Oktober 2023. Kidekah sijadi kendala eme bas pengumpulan data primer bas ngawan perpulungen nari. Alasan simelala idatken eme pengisian data enda rumit bas formatna. Janah SKMS pe mengamanatken maka format enda enggo perlu isederhanaken. Tim SIAJ biro Humas ras IT enggo memikirken format penyederhanaan alu cukup berbasis Kartu Keluarga saja. Guna kelengkapen data sideban enda iarapken kerjasama ras pegawai runggun bagepe klasis ngelengkapisa tupung lit acara peridin, ngawanken entah pemasu-masun bas ngawan perpulungen. Bas format penyederhanaan siilakoken enda labo berarti bahwa runggun sikidekah enda enggo memenuhi pendataan SIAJ ibatalken entah harus ipepulung mulihken. Bas penyederhanaan siilakoken data awal banci idat eme  : gelar, TTL, jenis kelamin, pendidikan, status kategorial, status dalam keluarga.

Hal penting sideban siperlu kal menjadi perhatian rikut kerjasama kerina tingkat pelayanan, menjadikan jemaat aktif bas pelayanen, eme disegerakan menyiapkan relawan contributor  (person in charge) perklasis untuk kontributor berita kegiatan ku media digital One click GBKP. Janah memenuhi saran masukan maka kerina Keputusan-keputusan GBKP ipubliskasiken i One Click GBKP.