Minggu TRINITATIS / Dibata Si Telu Sada, Rupa Liturgi: Mbentar

Invocatio         : Dibata Bapa ras Jesus Kristus Anak Bapa e mereken lias ate, perkuah ate ras kemalemen ate man banta gelah, kerina enda jadi sikerajangenta ibas kita nggeluh alu bujur ras dem keleng ate. ( 2 Joh 1 : 3 )

Ogen               : Job 36 : 22 – 33 ( Antiphonal )

Kotbah            : 1 Johanes 5 : 6 – 12 ( Tunggal )

Tema               : Kesaksin Si Ibereken Dibata

1.      Kai si lit ras jadi idoni enda labo kerina terlogikaken, ijadiken gelah banci masuk akal, apai ka  melogikaken Tuhan si la terbatas, sebab kita si terbatas labo mungkin banci menjangkau Tuhan si la terbatas. Salah sada ajaren si berkembang ras mempengaruhi kekristenan mula-mula ibas jaman Rasul Johanes eme aliran gnostic si mengutamaken pemeteh ertina segala sesuatu bisa diterima menjadi sebuah kebenaren adi masuk akal. Sehubungen ras Minggu enda Minggu TRINITATIS / Dibata si telu sada ( Bapa, Anak ras Kesah Si Badia ), tentu sangat tidak masuk akal ras labo terlogikaken ( uga banci Dibata jadi manusia, manusia e Dibata, Dibata badia, bersih sedangken manusia melket, fana, Uga banci Dibata lit AnakNa ras si debanna ),  emaka seh ibas paksa enda pe tetap denga lit si memperdebatkenca. Alu la isadari maka perdebaten e labo pernah erkedungen adi tetap i paksaken makai logika  sebab kai si la terlogikaken e arusna ijeme berperan iman, kiniteken. 

2.      Ibas 1 Johanes 5 : 6 – 12 si jadi bahan kotbah eme kesaksian Johanes kerna Jesus Kristus Anak Dibata. Yesus Kristus si enggo reh ku doni enda, Ia reh alu lau ras dareh.  Lau ras dareh mengacu kubas dua peristiwa penting ibas kemesiasen Jesus. Lau nuduhken kubas Lakon Peridin si enggo ialokenNa sebagai awal pendahinNa, pelayanenNa, ija nusur Kesah Tuhan ku babo takalNa. Dareh nuduhken kubas pengorbanenNa ras kematenNa i kayu persilang ras kekekenNa ibas si mate nari janah mulihken IA ku kemuliaan surga. Kerina enda Kesah jine sinaksiken maka enda tuhu me. Sabab Kesah e kebenaren kap. Ibas perikop enda Johanes njelasken maka lit telu saksi kerna Jesus Kristus eme  kesah, lau ras dareh, janah teluna enda sada kesaksinna( engkai maka iban saksi ? eme guna menjawab keraguan si lit ibas kekristenan si enggo terpengaruh kaum gnostic, ibas tradisi Junani, satu saksi blm dianggap saksi, si lang-langna dua saksi maka sada pengakun iperhitungken, ijenda telu saksi itampilken guna ngataken ras menegasken maka Kristus eme Tuhan simaba keselamaten ). Fakta Jesus eme Dibata si nusur ibas rupa manusia enggo isaksiken ajar-ajar bagepe gereja sepanjang zaman, pendahin Kesah Si Badia si gejap seh genduari enda janah Kesah Si Badia eme si mpengasup kalak ngakuken maka Jesus eme Tuhan ( bdk 1 kor 12 : 3 ). 

3.      Ogen : Job 36 : 22 – 33, enda bagian percakapen Elihu ras Job si sangana ibas kiniseran ( percakapen enda mulai ibas pasal 32 : 1 – 37 : 24 ). Lit pengangkan Job maka ia bujurkel iakapna bana/ ibenarken Job bana janah isalahkenna Dibata. Tapi Elihu alu kata-kataNa mempertegas lenga bo payokel penandai Job kerna Dibata. Emaka Elihu tole encidahken peran Dibata ( Bapa ) si erkuasa dingen kiniulinNa termasuk pe man Job. (Dibata simpepulung lau idoni nari kudas embun, jenari isalihkenNa jadi tak-tak udan, kilab si terang rsd, perbahanen Dibata sib age belinna ise pe la ngasup ngukurisa, kerina e lit ibas pengaturen Dibata janah labo ise pe ngasup meteh kai si ilakoken Dibata. Ay 22, 24, 26 : nina Elihu man Job, Ingetlah uga belinna kuasa Dibata, ija kin lit guru bagi IA beluhna ? Dage kam pe pujilah IA, labo tersifati kita uga belinna kemuliaan Dibata. Ertina ibas kiniulin ras kemuliaan Dibata e, manusia arus merespon alu encidahken ekspresina, nehken puji-pujin man Dibata, nehken pengataken bujur man Dibata. Sebab Dibata e tetap erbahan simehulina man anak-anakNa.

4.      Invocatio : 2 Joh 1 : 3, teridah peran Dibata Bapa, Yesus Kristus ras Kesah Si Badia simereken kemalemen ate ras gegeh man manusia guna ngelakoken sibujur ras ndalanken kekelengen. Sebab ise pe labo ngasup nggeluh ras ndalanken kebujuren adi la ijemba ras ikuasai Kesah Si Badia

5.      Tema : Kesaksin si ibereken Dibata. 

Dibata enggo njadiken kerina si nasa lit alu mehuli. Kiniulin e icedai alu dosa, pelanggaren manusia si ulihna kematen. Alu palas keleng ate, la ate Dibata manusia bene, mate emaka reh ku IA doni enda ibas anakNa Yesus Kristus. Enda me isaksiken Dibata maka ibas AnakNa e lit kegeluhen, keterkelinen. Kalak si ersada ras AnakNa e berarti ersada ras Dibata janah ndatken kegeluhen si la erkeri-kerin,janah kerina ipetangkasNa alu kuasa Kesah Si Badia. Ijenda me ikataken Dibata si telu sada, tiga pribadi tapi hakekatnya sama. Bageme mbelinna kuasa ras keleng ate Dibata e man banta. Alu bage  amin pe erbage-bage perbeben si alaken kita bagi Job ras banci jadi ije ka lit si mempengaruhi, si erbahan kita ragu kerna kuasa Tuhan, bagi ke kristenen mula-mula, tetaplah focus ras litken kiniersadaan ras Dibata si telu sada sebab e ngenca si banci mereken gegeh ras kemalemen ate si tuhu-tuhu. Janah mpengasup kita  lako muji Tuhan bagepe ngataken bujur man Tuhan arah penampat Kesah Si Badia si teridah arah kegeluhen si bujur.       